粉紅粉紅趣緻的臉

我很喜歡買胭脂。

最初開始想要化妝的原因也只是因為我想要塗胭脂。雖然臉色不算蒼白，也很容易會臉紅，但是非常羡慕人家有一張紅通通的臉，很可愛。其實化妝年資只有一年，而且化的都是最簡單的粉底遮暇胭脂，甚至眼線睫毛液也極少塗（因為感覺上很濃很不適合我），但唯有胭脂叫我愛不釋手。

話說一個月前在NARS 買了一盒orgasm，但其實我原本要買的、試上臉的都是angelica！！！！！點知！返到屋企心思思打開一看！咦？點解係peach 色既？？？我要既明明係粉紅色有閃粉咕喎！！！望一望盒子，勁細隻字寫住orgasm… sales 竟然給錯我了…發票也扔了…所以不能夠換…嗚。好彩，好彩，原來orgasm 都係NARS 的皇牌色。

前兩天check email 時記起SEPHORA 有send 過email 來說我有$94 類似cash dollar 的物體，再記起了我angelica 的遺憾（淚），便心思思的再上網做了一次NARS 胭脂的小research！！最後！！決定要買起（？）angelica 和desire！！哈哈哈哈哈！不過，還是要去試一試比較好啦。

入到SEPHORA，立刻就走到NARS 的counter，死命的看著目標顏色，看和網上有沒有差，然後匆匆叫過BA 試一試便說：「我要依兩隻丫唔該！」根本就已經決定要買了嘛！哈哈哈哈。

好靚呀好靚呀好靚呀好靚呀容許我說一萬次丫唔該！！angelica 是命中注定到我手的啦呵呵。

NARS 呀NARS 呀！你睇！連tinker bell 望住NARS 既胭脂都覺得好興奮！


眼仔碌碌的tinker bell 心想：「我又要搽我又要搽！」

左：angelica 右：desire
色差很嚴重= = 而且看起來就像只有閃和不閃的分別= =

好野好野！又有新胭脂用了！:D